Erfolgreiche Lernende im AZ Birsfelden

Wir sind stolz auf die Leistung unserer Lernenden - Gratulation zum erfolgreichen Abschluss!

Am stimmungsvollen Feieranlass am 29. Juni 2021 machten unsere erfahrenen Berufsbildner Tim Kulhanek und Nazmi Ceylan einen interessanten Vergleich zum erfolgreichen Auftritt unseres Fussballnationalteams an der Euro 20 mit der anspruchsvollen Ausbildungszeit unserer Lernenden.

Liebi Lernendi, odr besser gseit: Liebi Absolvänte

I ha gescht am Obe e Steilpass vo dr Schwizer Fuessballnationalmannschaft biko und kumm nit drum umme, dr eint odr ander Vrglich vom geschtrige Spiel zu eurer Usbildig zmache….

D’Usbildig het mit vollem Elan und Begeischterig ahgfange, so wie bim 1:0 vom Seferovic. Öbis Grosses het dört sin Ahfang gno. Drnoch hets bim Einte odr Andere au emol e Ihbruch gä. Zum Bispiel e Prieffig wo me dänkt het - das mach ich locker - so wie dr Penalty vom Rodríguez, wo denn halt doch drnäbe gange isch. Und denn het vrllicht no dr Schatz schwierig do odr es kunnt e fiese Virus umme Egge, wies bi euch dr Fall gsi isch, und zack, stohts 1:3 und me het s’Gfühl, me stoht mitem Rugge zur Wand.

In söttigne Momänt bruchts öbis wo ihr alli in dere Zyt bewiese händ, und das nennt me Charakter und Wille. Und genau dä Charakter und dä Wille händ ihr bewiese. Händ euri Ziel nie us de Auge glo und dorum s’3:2 und au no s’3:3 gschosse.

Und wies halt im Läbe eso isch, wärde die Fliessige am Ändi meischtens belohnt. Dorum stöhnd ihr jetzt alli do und händ euri Usbildig zum Kaufmaa, zur Köchin, zur Ahgschtellti Gsundheit und / odr zur Fachfrau Gsundheit beschtande.

Mir vom Alterszentrum Birsfälde sind mega stolz uf euch und wünsche euch für euri Zuekunft nur s’Beschte.

Tim Kulhanek und Nazmi Ceylan, Berufsbildung AZ Birsfelden